Fotoj, kiuj ne devis aperi

En artgalerio de Šiauliai oni povas pririgardi foto-ekspozicion Negativoj forgesitaj kaj forĵetitaj, kiun prezentis artfotisto Algirdas Musneckis. Ĉi tiu ekspozicio absolute diferencas de tiuj, kiujn pli frue aranĝis la fotisto. En la ekspozicio estas prezentataj ne liaj, sed fremdaj fotoj. La titolon de la ekspozicio oni devas kompreni laŭvorte: tiuj fotoj vere ne devis esti, ili estis kondamnitaj al neniigo kaj forgeso. A. Musneckis prenis ilin el malnovaj fotiloj, diversvoje vojaĝintaj en Litovion el eksterlandoj, plej ofte el Germanio. A. Musneckis estas konata en Šiauliai ne nur kiel fondinto de dokumenta kaj arta fotografio. Li estas ankaŭ senlaca koektanto. A. Musneckis kolektis fotilojn de ĉiuj modeloj uzitaj en la postmilita Litovio. Dum lastaj dek kelkaj jaroj li malkovris novan okupon, en kiun li sincere absorbiĝis. En bazaroj, brokantejoj la fotisto serĉas kaj aĉetas el eksterlandoj veturigitajn kompaktajn fotilojn - tiel nomatajn sapujojn. Iam en la fotiloj li trovadas fotobendojn. Li ilin rivelis, faris fotojn kaj poste iujn selektis por la ekspozicio, kies herooj - tute ne konataj homoj, iliaj festoj kaj ĉiutageco, ĝojoj kaj malĝojoj. Unuvorte - la vivo. En la ekspozicio estas neniu konkreta nomo aŭ loko. Kaj la vizitanto ne rimarkas ilian foreston.