Logotipo de litova dezajnistino reprezentos la Jaron de Interproksimiĝo de Kulturoj

La Ĝenerala Asembleo de Unuiĝintaj Nacioj la 17an de decembro 2007 proklamis la jaron 2010 Internacia Jaro de Interproksimiĝo de Kulturoj (rezolucio 62/90). Antaŭ nelonge UNESCO informis, ke la Jaron de Interproksimiĝo de Kulturoj reprezentos la logotipo verkita de litova dezajnistino Ieva Marija DAUTARTAITĖ. En 2009 ŝia verko trafis en naŭopon de la plej bonaj laboroj en Internacia konkurso de logotipoj Dezajno 21 , kiun organizis UNESCO.

Ieva Marija Dautartaitė en 1996 finis dezajnstudojn en Vilna Artakademio. Ŝi havas 15-jaran laborsperton en dezajna kampo. I. M. Dautartaitė estas partoprenantino kaj laŭreato de diversaj internaciaj dezajnkonkursoj.

Dum la Internacia Jaro de de Interproksimiĝo de Kulturoj UNESCO instigas ŝtatojn membrojn organizi kaj realigi politikajn kaj kulturajn iniciatojn en ŝtata, regiona aŭ internacia nivelio. Atento de internacia socio devas esti direktita al graveco de kultura diverseco kaj kultura dialogo ilustrante per ekzemploj el bona praktiko, kiel kulturoj kaj civilizacioj kompletigas unu la alian, batalante por homaj rajtoj kaj kontraŭ novaj formoj de rasismo kaj diskriminacio.

UNESCO registris Baltian Vojon

Antaŭ du jardekoj tra Litovio, Latvio kaj Estonio etendiĝinta Baltia Vojo estas registrita en liston de UNESCO Memoro de la mondo. Programo de UNESCO Memoro de la mondo estas komencita efektivigi en 1992, strebante diskonigi informon pri eksterordinaraj dolumentaj kolektoj konservataj en ŝtataj kaj privataj arkivoj, muzeoj, bibliotekoj ne permesante malaperi tian dokumentan heredon. Unu el celoj de la programo – kompili kaj plenigadi registron de UNESCO pri heredo de mondsignifaj dokumentoj. Ĉi-jare en la registron estis enskribitaj 35 dokumentoj kaj dokumentaj kolektoj, inter ili Taglibro de Anne Frank, Reĝaj arkivoj de Tajlando kaj Madagaskaro k.a. Nuntempe ĝi entenas 193 dokumentojn.
Baltia Vojo estas 595-kilometra ĉeno de permane sintenantaj homoj kaj la 23an de aŭgusto 1989 kunliginta ĉefurbojn Vilnius, Riga kaj Tallinn.