Ni demandu nin

Kriston perfidis ĉiuj. Judaso vendis Dion por tridek arĝentaj moneroj, Petro Lin malkonfesis. Tamen kiel diferencas iliaj sortoj. Judaso provis propraforte korekti  la faritan krimon, sed  la orgojlo ne permesis pentofari. Petro tamen ploris kaj pentofaradis. Kaj ni? Ĉu ni sekvos Judason kaj ne vidos releviĝintan Kriston, ne petegos la senpekigon kaj ne ĝojos je la honoro esti infanoj de Dio? Ĉu ni estos kun Petro kaj apostoloj, ĉu ni pentofaros pro niaj pekoj kaj ĝojos, ke releviĝinta  Sinjoro  senpekigas nin, forviŝas ĉiujn malpuraĵojn de  niaj animoj  kaj nutras nin per la Vorto, Karno kaj Sango?

Luterana episkopo Mindaugas SABUTIS

Feliĉan kaj ĝojplenan Paskon!

Sed se ni mortis kun Kristo, ni kredas, ke ni ankaŭ vivos kun li; sciante, ke Kristo, levite el la mortintoj, ne plu mortas; la morto ne plu lin regas. Ĉar mortante, li mortis al peko unufoje por ĉiam; sed vivante, li vivas al Dio. Tial ankaŭ vi vin kalkulu mortintoj al peko, sed vivantoj al Dio en Kristo Jesuo.  

Romanoj, 6, 8-11

La Kristnasko jam venis!

Li leviĝis!

"Li ne estas ĉi tie; ĉar li leviĝis, kiel li diris." (Sankta Mateo 28,6)

Linksma diena mums nušvito // Ĝoja tag' al ni aŭroris 

muziko de Juozas NAUJALIS,  vortoj de Antanas BARANAUSKAS

Ĝojan Kristnaskon!

Fairytale Of New York  ( Novjorka fabelo)

Belajn Festojn!

 Karaj,

Gajan Kristnaskon kaj Feliĉan Novjaron al Vi ĉiuj! Trankvilon en Viaj hejmoj, progreson en Viaj labor- kaj studlokoj, sukceson en Via esperantista agado!

Povilas JEGOROVAS

Prezidanto de Litova Esperanto-Asocio


Adeste Fideles (kantas Enya)

Hristos voskrese, radost donese!

(Serba popolkanto Kristo leviĝis - ĝojon alportis!)

Ĝojan Kristnaskon!

Mi dezirus, ke ni povu enmeti iomete de la Kristnaska Spirito en konservujojn kaj poste ĉiu-monate mallfermi la ujon.

Harlan Miller

Estu tiel! Ja Kristnasko estas la tempo mirakla! La ĝoja Kristnaska Spirito ne manku al ni ĉiuj dum la tuta jaro!



John Lennon / Yoko Ono:  Happy Christmas (War Is Over) // Feliĉan Kristnaskon (Milito finiĝis)

Kristo el la mort' leviĝis!

Trankvilan Kristnaskon kaj feliĉan Novjaron 2011!

Mi ricevis belan gratulon. Tiujn bonajn kaj signifoplenajn vortojn mi transadresas ankaŭ al la leganto de BARELO.


Mi bondeziras al vi sekvontjare
* Daŭrigi komencitajn laborojn kaj sukcese venki ĉiujn obstaklojn. Per leporaj saltoj. Rapide. Sen leporeca timo. Eble kun leporeca rido, sed, Dio gardu, sen la elŝovitaj dentoj kaj fendita lipo.
* Iom kreski en la interno.
* Lerni el la malnovaj eraroj.
* Ami.
* Ĝoji.
* Porti ĝojon.
* Vivi ĉi tie kaj nun.
* Ne plendi.
* Ne plorvei.
* Sepfoje terenfali kaj la okan – ree ekstari.
* Lumigi. Ne nur al vi mem, sed ankaŭ al ĉiuj, ĉar anstataŭ plendi je mallumo, ĉiam estas pli bone ekbruligi kandelon.
* Pensi.
* Senti.
* Rigardi kaj ekvidi.
* Aŭskulti kaj ekaŭdi, kompreni kaj kunsenti.
* Miri, ĉar ĉio nova estas ne pli ol malkovrita malnovo.
* Iri. Malrapide, sed cele. Dio gardu, ne kuri, ĉar ankoraŭ antikvaj romianoj diris: Hastu malrapide. Festina Lente.

Bonan Jaron! Tian, kian ni atendis la tutan vivon, kaj eĉ iomete pli bonan (kial nur iomete? Al la bono oni tro rapide alkutimiĝas)!

Povilas

Raphael, La canción del Tamborilero

Semajnfine paradis gejoj kaj militveteranoj

Pasinta semajnfino por vilnanoj elstariĝis kiel tagoj de demonstracioj. Sabate (la 8an de majo) okazis geja manifestacio. Dimanĉe veteranoj de la dua mondmilito aranĝis demonstracion okaze de la 65-a datreveno ekde fino de la Dua mondmilito. Ambaŭ aranĝojoj renkontis pli-malpli grandajn protestojn.

En Vilnius –geja parado
Sabate unuafoje en historio de Litovio okazis manifestacio de homoseksualoj “Por egaleco”. Vilna magistrato eldonis permeson manifestacii en strato iranta laŭ rivero Neris. La strato estis gardata per bariloj. Fakte, dezirantoj spekti la manifestacion, tion fari ne povis, ĉar unuflanke la demonstrantoj kaj spektantojn dividis rivero Neris, aliflanke – sufiĉe longa distanco.  
Mi observas la manifestacion, tamen en ĝi partoprenas tre malmulte da homoj kaj estas tro multe da policanoj. Ĉi tiu tago, ŝajnas, ne estas populara, – eldiris sian opinion gasto el Brazilo Sedl, spektante la aranĝon okazanta trans la rivero.

La ordon certigis ĉ. 800 policanoj, rajda polico, kinologaj taĉmentoj. La polico estis preta ekuzi gason, elektroŝokon. En la aero "pendis" helikoptero. Ĉe la zono de la demonstracio estis establitaj kontrolpostenoj, en kiuj estis kontrolataj aĵoj de dezirintoj eniri. Estis malpermesate enporti ne nur bastonojn, brulivajn likvaĵojn, ŝtonojn, diversajn pezajn aĵojn, sed ankaŭ ovojn kaj tomatojn. Listo de la partoprenantoj estis anticipe kompilita. La manifestantoj estis veturigitaj per aŭtobusoj al/el loko de la demonstracio. En la urbo estis haltigataj junuloj, kiuj provis kaŝi la vizaĝojn en kapuĉoj.

Ĉi tiuj rimedoj permesis atingi, ke la aranĝo okazu sen pli grandaj incidentoj. Tamen estis kaptitaj 18 protestintoj kontraŭ la manifestacio, kiuj deliktis publikan ordon. El la aranĝo estis elkondukitaj parlamentanoj Kazimieras Uoka kaj Petras Gražulis.

En la manifestacio partoprenis ĉirkaŭ 300 manifestantoj. Kontraŭ ili sian malkontenton esprimadis ĉirkaŭ 1000 protestantoj.

Kelkdekoj da homoj kolektiĝis ĉe la Arkikatedralo kaj protestante kontraŭ geja manifestacio preĝis, kiel diris monsinjoro Alfonsas Svarinskas , "por savado de Litovio".

Laŭ sociologiaj esploroj la manifestacion malaprobas tri kvaronoj de Litovia loĝantaro. Pli ol 50 parlamentanoj eldiris sian opinion kontraŭ ĉi tiu aranĝo.

Gvidanto de Litova Geja Ligo Vladimir Simonko okazintan manifestacion taksis bonege.

 Fotoj  kaj video pri la aranĝo.

Demonstracio de militveteranoj
Demonstracio de veteranoj de la Dua mondmilito dimanĉe estis tre modesta. La magistrato ne donis permeson aranĝi la demonstracion sur la ĉefstrato de Vilnius Gediminas-avenuo. Estas permesate iri sur Vrublevskio-strato, kiu longas 233 metroj. Tamen ankaŭ en ĉi tiu mallonga itinero la demonstrantojn akompanis voĉoj de protestantoj, kiuj konsideras, ke fino de la Dua mondmilito alportis al Litovio la duan okupacion.

La festo kulminis en Tombejo de Antakalnis ĉe memorejo por sovetaj soldatoj. Ĉi tie brulas la Eterna Fajro. En la tombejon kolektiĝis multaj homoj kun floroj, sonis rusa muziko gloranta venkon kontraŭ nazia Germanio, memoriganta la venkbatalojn de Sovetio, tiujn kiel batalo de Stalingrad, kiu estis grava en la milito kontraŭ la Tria Germana Regno.

Lunde parlamentano socialdemokrato (kaj esperantisto) Vytenis Andriukaitis parolis en gazetara konferenco:
– Homoj de Litovio scias, kiom da ŝtatestroj estis en Moskvo – kaj tiuj de Baltaj ŝtatoj, kaj de aliaj ŝtatoj, ankaŭ vidis paradon de la aliancanoj. En Moskvo kune kun Rusia militistaro paradis niaj strategiaj partneroj: Pollando, Francio kaj aliaj landoj. Kun la poloj kaj francoj ni eĉ havas traktaton pri strategia partnereco. Do, en ĉi tiu internacia kunteksto sufiĉe strange aspektis tiuj limigitaj rajtoj, kiuj por distingi finon de la Dua mondmilito estis donitaj al partoprenintoj de ĉi tiu milito.
Fotoj.

P.S.
Reeĥoj pri la semajnfinaj aranĝoj ankoraŭ estas aŭdataj. Plimulto da ĝenerala kunveno (pli ol 100 partoprenantoj) de partio Unio de Patrio – Kristanoj Demokratoj de Litovio en ĉefurba filio Lazdynai akceptis decidon postulanta eksiĝon de sampartiano urbestro Vilius Navickas por eldonitaj permesoj al manifestacio de samseksemuloj kaj al la demonstracio de veteranoj de la Dua mondmilito.

Haleluja!

En Klaipėda – internacia festo

Mi enviis al klajpedanoj. Kvin tagojn en Klaipėda svarmis entuziasmuloj de popola arto el multaj landoj. La havenurbo preskaŭ por unu semajno iĝis multkolora, ĝoja, dancanta, kantanta internacia urbo. Ĉi tie la 22-26an de julio okazis 46a festivalo Eŭropeado (Europeade). Klaipėda atendis ĉi tiun feston preskaŭ 8 jarojn, ekde 2001, kiam la urbestro sin turnis al Internacia Komitato de Eŭropeado, petante permeson organizi ĝin en la Klaipėda. Dum la festo en la havenurbo sian kulturon – dancojn, kantojn, metiojn montris pli ol 20 Eŭropaj landoj, kiujn reprezentis ĉirkaŭ 4000 diversaĝaj partoprenantoj. Laŭ tradicio en malferma ceremonio sin prezentis kolektivoj de ĉiuj gastantaj landoj. Funkciis urbeto Eŭropeado. Tio estas konstanta ekspozicio en publika spaco, en kiu ĉiuj partoprenantaj landoj demonstris siajn naciajn memoraĵojn, librojn pri la lando, kulinaran heredaĵon, metiojn. La urbanojn impresis la festivalo. Ili opinias, ke laŭ riĉeco de la programo al la festivalo povas egali nur Festo de Kantoj.
Komencanto de Eŭropeado estas flamando Mon De Clopper (1922-1998), fondinto de Asocio de Flamanda Popolkulturo (Vlaamse Volkskunstbeweging). En 1964 li organizis en Antverpeno (Belgio) la unuan festivalon, en kiu tiam partoprenis flamandoj, nederlandanoj, angloj, francoj, germanoj kaj elmigrintoj el Ukrainio, Jugoslavio kaj Pollando. Devizo de la festivalo Al Europa junularo respegulis strebon de Mon De Clopper propagandi pacon inter Eŭropa junularo. Li kredis , ke post hororo de du mondmilitoj la junularo devas entrepreni kreadon de la nova Eŭropo – la paca kaj libera.
Ĉi-jara devizo de la festivalo estis Libera kaj paca Europo, en kiu en konsento vivas kulturoj de malsamaj nacioj.
Ĉi-semajnfine – denove festo en Klaipėda: la tradicia Mara Festo kaj renkonto de velŝipoj de regatto The Tall Ships’ Races Baltic 2009.

Jarmila festo de kantoj

1-6 de julio en Vilnius okazis Festo de Kantoj Amžių sutartinė (Kanto de jarcentoj). La festo estis la ĉefa solenaĵo dediĉita al miljara datreveno de unua mencio ne Litovia nomo en skribaj fontoj. La titolon de la festo mi tradukis kiel "Kanto de Jarcentoj", tamen tio ne estas ĝuste. Sutarinė ([sutartine], plurale sutartinės) ne estas ordinara kanto. Mi trovis sekvan priskribon de sutartinės:
Sutartinės estas multvoĉaj litovaj popolkantoj. Estas karaktera sekunda intervalo inter apartaj voĉoj kaj sinkopaj ritmoj. Sutartinės estas plenumataj kantante, dancante aŭ nur ludante per popolinstrumentoj: skuduĉej, kankloj, lumzdelej (pri litovaj poplinstrumentoj oni povas legi en Litova Stelo 1991/2, 1993/1). La viva tradicio de sutartinės jam malaperis, tamen ilin plenumas folkloraj ensembloj.
Ke vi imagu, kio estas sutarinės, aŭskultu: Mes buviemo tūto, Buvo dūda Vilniuj, Dobilas.
Post tiu prefaco ni revenu al la Festo de Kantoj. Dum ĝi okazis multaj koncertoj, tamen plej gravaj estis:
la Tago de Kantoj de Lernantoj, la Vespero de Ensembloj Jaroj, koncerto de blovorkestroj Kupra Tempesto, la Danca Vespero kaj la ĉefa akcento de la festo - La Tago de Kantoj.
En ĉi tiuj koncertoj partopenis miloj da partoprenantoj. Ekzemple, en la koncerto de blovorkestroj koncertis 50 blovorkestroj, 450 dancantoj kaj eĉ 8 rajdĉevaloj, kiuj kun la dancantoj plenumis Marŝon de Radetzky de Johann Strauss. En Vespero de Ensembloj partoprenis 3,5 miloj da partoprenantoj, kaj dum la Tago de Dancoj en stadiono Žalgiris dancis 8 mil dancistoj. La Festo de Kanto estis vere ĝoja evento. Ĉiuj aranĝoj estis amplekse vizitataj.