En la Guinness-libro de Rekordoj – muzikaĵo por kato

En la Guinness-libron de Rekordoj estis enskribita nomo de unua litova muzikisto. Dirigento Mindaugas Piečaitis, nuntempe loĝanta en Germanio, en la libron de mondaj rekordoj trafis pro unua pianokonĉerto por kato.

Mindaugas Piečaitis ekfamis pasintjare je sia komponaĵo Catcerto por katino Nora.  Somere 2009 en Klaipėda  dum edukada projekto Orkestro de petolema muziko Klajpeda Ĉambra Orkestro plenumis komponaĵon Catcerto – la verkon  por solistino Nora kaj orkestro.

Muzikado de interreta famulino kaj YouTube-stelulino katino Nora  en la koncerto estis registrita anticipe kaj video estis montrata sur la ekrano.

Pasintjare Usona Organizo por Protektado de Animaloj (ASPCA)  katinon Nora el Filadelfio, kiu  ludas pianon, titolis La Kato de la Jaro.

Oni supozas, ke al  la katino  plaĉas ne nur esti en fokuso de la atento, sed ankaŭ la sonoj, kiujn ĝi eligas premante pianajn klavojn.

Grandaj libroj. La plej dika libro en Litovio

En biblioteko de Pravieniškės (distrikto Kaišiadorys) sur du tabloj kuŝas la libro, kiun  enportis ĉi tien du viroj.

La libron skribis infanoj aĝaj de 7 ĝis 10 jaroj el 9 lernejoj. La plej grandan parton de la libro verkis lernantoj de baza lernejo de Stasys Tijūnaitis el Pravieniškės. En čiu paĝo de la libro estas po unu kvarversa strofo. En la libro estas eĉ 1037 tiaj paĝoj. Iuj lernantoj verkis po kelkdek strofoj. Jen Gabrielė Tarutytė kaj Rasa Miliukaitė el Pravieniškės verkis po 86 strofoj, Milda Auželytė - 76.

La versoj estas surskribitaj sur dikaj paperfolioj. La poeziaĵojn redaktis kaj preparis por la libro instruistino de elementaj klasoj Jonesa Drumstienė (gvidantino de la projekto) kaj Birutė Preikšaitienė. Ceramikajn kovrilojn por la libro faris lernantoj sub gvidado de famaj ceramikistoj Audronė Skarbaliūtė kaj Leonas Vytautas Glinskis. La libro havas titolon Varpelių skambesys (Sonorado de tintiloj).

Multaj presejoj rifuzis bindi la libron kun ceramikaj kovriloj. Nur la Printėja el Kaišiadorys ne ektimis la malfacilan taskon kaj bindis la libron forte kaj bele.

La libro pezas 85,4 kg. Aliaj ĝiaj karakterizaĵoj: longo – 175 cm, larĝo –36 cm, alto – 25 cm. La libro estas ilustrita per pentraĵoj. Ĝi enhavas poeziaĵojn de 134 lernantoj el elementaj klasoj. Estas preparataj dokumentoj al agentejo Factum ĉe Litova Kultura Fonduso por registri rekordon La plej granda permane skribita libro.

Jubileaj interesaĵoj

Al V. Landsbergis – aŭtomobila numero "KOVO 11"
Okaze de 20-jara jubileo de la rekreita sendependeco de Litovio eksa prezidanto de Supera Konsilio, Eŭropa parlamentano Vytautas Landsbergis sian kolekton de memoraĵoj kompletigis je unika aŭtomobila numerplato kun surskribo Kovo 11 (la 11a de marto).

Tian donacon enmanigis al V. Landsbergis ŝtata entrepreno Regitra, kiu administras transportilan kaj stiristan registrojn. Ĉi tiu numero estas nur simbola, ĉar speciala numerplato KOVO 11 estis produktita laŭ jam ne valida konvencia normo kun flago de Litovio. Tial V. Landsbergis ne povos alfiksi ĉi tiun numerplaton al la aŭto. Nuntempe la entrepreno eldonas numerplatojn kun flago de Eŭropa Unio.

Parlamenta rekordulo

Socialdemokrato Česlovas Juršėnas estas agnoskita kiel rekordulo – li estis elektita en la parlamenton (Sejmo) sesfoje laŭvice kaj tie laboras seninterrompe ekde marto1990.
"Iam vi estas nomata ruza virvulpo – tio estas komplimento", – en Sejma kunsido diris prezidanto de la Sejmo Irena Degutienė, gratulante la parlamentan veteranon.

Dankante Č. Juršėnas ekŝercis: "Mi fartas bone, ĉar mi estas apogata de ambaŭ flankoj: de unu flanko apogas kolegoj socialdemokratoj, de la alia – kritike apogas la dekstruloj. Pro tio, ke ĉi lastaj pli multas, ili apogas pli, tial mi estas kliniĝinta maldekstren."

71-jara socdemo post ĵurnalistikaj studoj laboris en gazetaro kaj televido. Kelkajn jarojn li laboris en aparato  de Centra Komitato de Litova Komunista Partio kaj en tiu de Ministra Konsilio.
Kiam komenciĝis la renaskiĝo, Č. Juršėnas revenis en Litovan televidon, ordigis unuajn popularajn elsendojn Atgimimo banga (Ondo de la Renaskiĝo). Laborante en la parlamento, li kelkfoje estis elektata prezidanto, vicprezidanto, la unua vicprezidanto de la Sejmo.

Litovaj speleologoj atingis fundon de plej profunda kaverno en la mondo

La 25an de aŭgusto Aidas Gudaitis, Gediminas Sakalauskas kaj Egidijus Purlys sukcese descendis sur fundon de kaverno Voronja (Kartvelio), la plej profunda en la mondo. Ili traplonĝis inunditan parton de la kaverno kaj atingis la fundon troviĝanta en 2158-metra profundo. Ĉi tie la speleologoj alfiksis signon de Litovia Jarmilo. Pli frue en la kaverno estis plibonigita ankaŭ descenda rekordo inter virinoj. Jurgita Pekorienė kaj Gintarė Šiaulytė descendis kaj tranoktis en 1400-metra subtera profundo. Ĝis nun la rekordo apartenis al Irena Gudaitienė, kiu en 2003 descendis en 980-metran profunon.
Dum ĉi tiu ekspedicio rekordojn atingis ankaŭ speleologoj el Hungario, Irlando kaj Britio, kiuj kune laboris kun litova teamo. Kavernan faŭkon trovis kartvelaj kavernaj esplorantoj en 1960. En komenco de 1980aj jaroj ĝi estis esplorita ĝis 340-metra profundo. En 1999 ukrainaj speleologoj malkovris novan trairejon. Nuntempe profundo de la kaverno estas 2191 m (± 9 m). Ĝi estas la sola kaverno en la mondo pli profunda ol 2 km. La faŭko troviĝas en 2256-metra alto super mara nivelo. La kaverno troviĝas en Okcidenta Kaŭkazo, regiono Gagra, montaro Arabika. Ĝi apartenas al kaverna sistemo Arabika.

Trioleta rekordo

Aldona MANKUTĖ-KURSEVIČIENĖ el Kaunas, kiu verkis 55 trioletojn, pretendas trafi en la Libron de Litovaj Rekordoj. Por versaĵa libro Kasdienybės trapumas (Fragila ĉiutageco) agentejo Factum enmanigis al ŝi tion konfirmantan atestilon. Tamen la rezulto estos enskribita en la Libro Rekordoj nur tiam, se neniu plibonigos la rekordon ĝis nova eldono de libro de trioletoj de la aŭtorino.
La trioleto estas okversa poemeto, kie la kvara kaj sepa versoj ripetigas la unuan kaj la oka – la duan.
Jen trioleto de la aŭtorino pri la amo:
Vis ieškau mėlynų akių,
Dar tikinčių, kad meilė – turtai,
Vilnijančių linais laukų.
Vis ieškau mėlynų akių,
Kurios dar tiki meilės burtais.
Dėkoju širdžiai, kad tikies.
Vis ieškau mėlynų akių,
Dar tikinčių, kad meilė – turtai.
(Mi ankoraŭ serĉas la bluajn okulojn, / kiuj ankoraŭ kredas, ke la amo estas riĉaĵo/ kaj ondantajn kampojn linajn./ Mi ankoraŭ serĉas la bluajn okulojn,/ kiuj ankoraŭ kredas je sorĉoj de la amo./ Koro, mi dankas ke vi esperas. / Mi ankoraŭ serĉas la bluajn okulojn,/ kiuj ankoraŭ kredas, ke la amo estas riĉaĵo.)
Eble iu provu ĝin esperantigi? Aŭ iu scias trioletojn en Esperanto?
En interreto mi trovis nur trioleon de belorusa poeto M. Bogdanoviĉ (tradukis Valentin Melnikov).

Rekordo, dediĉita al la datreveno de Litovio

La 5a de julio Gintaras VILNIŠKIS en parko Skaistakalnis de urbo Panevėžys okaze de miljara datreveno de unua mencio de Litovia nomo levis 32-kilograman pezilon milfoje. La 41-jara viro levadis la pezilon dum unu horo kaj 16 minutoj. Ĉi tiu rekordo estos registrita en Libro de Litovaj Rekordoj. Dume en la parko sinpreparis koncerti estrada kantisto Andrius Mamontovas. La sportisto donacis al la kantisto T-ĉemizon, sur kiu estis surskribita lia rekordo. A. Mamontovas promesis al la multnombra aŭskultantaro: Mi vestiĝos ĝin milfoje!
G. Vilniškis estas agronomo laŭ klereco, laboras kiel sporta instruktoro. Li estas ankaŭ membo de la distrikta magistrato.