2014-05-27

Litovio decidiĝis: Dalia Grybauskaitė estas reelektita kiel ŝtatprezidento

Dalia Grybauskaitė (fotis Augustas Didžgalvis)
La 25an de majo 2014 en Litovio okazis balotelektoj  de ŝtatprezidento kaj  de membroj de Eŭropa Parlamento.

Dalia GRYBAUSKAITĖ iĝis la unua politikisto de la lando, kiu duafoje laŭvice estis elektita kiel Litovia ŝtatprezidento. En la Prezidentejo ĉe Daukantas-placo ŝi laboros ankoraŭ dum 5 jaroj.

En la dua etapo de la baloto por Dalia Grybauskaitė balotis 57,87 % da voĉdonantoj. Ŝia konkuranto socialdemokrato eŭroparlamentano Zigmantas BALČYTIS  ricevis  40,14 % da voĉoj.

Estis registritaj 2559330 voĉdonatoj, en la balotado partoprenis 1210741  (47,31 %), estis trovitaj 24126 (1,99 %) nevalidaj balotiloj.

Por 11 eŭroparlamentanaj mandatoj konkuris 8 partioj / koalicioj.

Po 2 mandatoj ricevis:
– Partio Unio de Patrio – Kristanoj Demokratoj de Litovio,
– Litova Socialdemokrata Partio,
– Liberalula Movado de Litova Respubliko.

Po unu mandato ricevis:
– Partio La Ordo ka Justeco,
– Labora Partio, 
– Koalicio Bloko de Valdemar Tomaŝevski de Pola Elektada Kampanjo kaj Rusa  Alianco, 
– Unio de Litovaj Kamparanoj kaj Verduloj.

No comments: