La 5-6an de oktobro en en Stokholmo (Svedio) okazis 11a Forumo Disvolvado de Ĉebaltaj Landoj. Dum la forumo estis enmanigita pridonaco ScanBalt por atingoj en sciencaj esploradoj en kampoj de sano kaj vivo al profesoro de Bioteknologia Instituto, la gvidanto de instituta laboratorio pri Biotermodinamiko kaj Esplorado de Medikamentoj Daumantas MATULIS .
La premio (25000 EUR) estas atribuata ĉiuduan jaron. Ĝin fondis organizo Akademio ScanBalt, kiu unuigas bioteknologiajn sciencistojn de la regiono, Reĝa Societo de Fiziografio en Lund (Svedio) kaj universitatoj de Lund kaj Greifswald (Germanio).
Dum la forumo estis enmanigita ĉiujara internacia pridonaco Swedbank Baltic Sea Award 2009 al Arminta SALADŽIENĖ, estrara prezidantino kaj prezidento de Borso pri Valorpaperoj NASDAQ OMX Vilnius. Ŝi estas ankaŭ prezidanto de plenuma komitato ĉe Instituto pri Administrado de Kompanioj en Ĉebaltaj Landoj. La pridonaco estas atribuata al organizo aŭ persono pro eksterordinara kontribuo en disvolvado de Ĉebalta regiono.
La forumo, kiu ankoraŭ estas nomata Davoso de Ĉebaltaj landoj, estis fondita en 1999. Ĉi tiu sendependa organizo unuigas kelkajn milojn da reprezentantoj de grandaj kompanioj, urboj, entreprenaj asocioj en Ĉe-Baltmara regiono. La forumo kunlaboradas kun registaroj de la regiono, entreprenaj kaj regionaj organizoj kaj sciencesploraj institucioj.
Daumantas Matulis naskiĝis en Vilnius (1970), studis en Vilna Universitato kaj akiris bakalaŭran sciencan gradon pri bioĥemio. En 1998 li defendis doktoran disertacion pri bioĥemio kaj biologio en Minesota universitato (Usono), estis ties scienca laborulo, laboris en Oslo (Norvegio) en kampo de energetika planado kaj medioprotektado. En 2005 li revenis en Litovion.
Arminta Saladžienė (1974) estas financistino, fakulino pri valorpaperoj, en Vilna Borso de Valprpaperoj laboras ekde 1995. Ekde 2007 ŝi estas estrara prezidanto kaj prezidento de Vilna Borso de Valprpaperoj.
No comments:
Post a Comment