Vankuvero: Litovion reprezentos ses sportistoj

En Vankuveraj Vintraj Olimpiaj Ludoj Litovion reprezentos nur 6 sportistoj: biatlonistino Diana Rasimovičiūtė (naskiĝ. en1984), skiistoj Irina Terentjeva (1984), Aleksejus Novoselskis (1985), Mantas Strolia (1986), Modestas Vaičiulis (1989) kaj Vitalijus Rumiancevas (alpa skiado, 1985). La najbaraj Latvio kaj Estonio sendas al Vankuvero po 58 kaj 27 sportistoj respektive.

Prezidento de Litova Nacia Olimpia Komitato (LNOK) Artūras Poviliūnas diras, ke plej gravas, ke niaj atletoj batalu el ĉiuj fortoj. Plej multon oni atendas de Diana Rasimovičiūtė. Ŝian partoprenon mi taksus bone, se li trafus en unuan dudekon. Ankaŭ estus bone, se Irina Terentjeva kaj Aleksejus Novoselskis estos inter 30-40 de la plej bonaj. Kaj por niaj junaj skiistoj estos bona rezulto, se ili superos 30 % de la rivaloj, – tiel Artūras Poviliūnas parolis pri eblecoj de la sportistoj.
A. Poviliūnas bedaŭris, ke en la olimpikoj ni ne vidos niajn dancantojn sur la glacio usonaninon Katherine Copely kaj litovon Deividas Stagniūnas, ĉar al la sportistino el Usono ne estis atribuita Litovia civitaneco kaj la paro perdis rajton partopreni en la olimpiaj ludoj.
La plej sperta estas Irina Terentjeva. Ŝi partoprenos en la 3aj olimpikoj. Irina portos flagon de Litovio dum solena malfermo de la Olimpiaj Ludoj.
Nur du sportistoj el Litovio gajnis medalojn en vintraj olimpikoj.
En Sarajevo (1984) oran medalon por venko en stafeta konkuro 4×7,5 km gajnis biatlonisto Algimantas Šalna (1959) . En Kalgario (1988) skiistino Vida Vencienė gajnis oran medalon por venko enkonkuro de10-kilometra distanco kaj la bronzan por tria loko en 5-kilometra distanco. A. Šalna kaj V. Vencienė reprezentis tiaman Sovetion.
--
Sur la fotoj de A. Pliadis kaj K. Čachovskis: Litova olimpika teamo (supre - Diana Rasimovičiūtė)