Parolante pri liverado de gaso, A. Kubilius eldiris esperon, ke kompanio Gazprom konsideros globalan disvastigon de gasa industrio modernigante sian prezpolitikon. Litova ĉefministro ankaŭ prezentis planojn de Litovio konstrui tenejon por likvigita gaso. Li invitis premjeron V. Putin partopreni en kunsido de Konsilio de Baltmaraj Ŝtatoj, kiu okazos en komenco de junio en Litovio. A. Kubilius aldonis, ke sian partoprenon jam konfirmis kancelierino de Germanio Angela Merkel.
V. Putin ekŝercis, ke li sufiĉe antaŭlonge partoprenis en malferma Litovia konkurso pri sambo kaj iĝis ĉampiono. Do, li dezirus denove ripeti tiun sukceson en Litovio.
Al tio A. Kubilius respondis, ke li ne promesas la konkurson pri sambo, tamen li volonte konsentus konkuri surbicikle (A. Kubilius estas amanto de biciklaj vojaĝoj), se la rusa ĉefministro junie venos en Litovion.
Estis priparolitaj ankaŭ demandoj pri konstruado de novaj atomaj elektrocentraloj en Ignalina kaj en Kaliningrada regiono. V. Putin deklaris, ke Moskvo estas preta prezenti al eksterlandaj partneroj ĉiujn klarigojn pri la konstruota elektrocentralo.
Litova ĉefministro ankaŭ dankis pro solvo de problemo pri eksportado de laktaj produktoj al Rusio kaj eldiris esperon, ke Litovio sukcesos pligrandigi liveradon de ĉi tiuj produktoj en Rusion.
V.Putin diris, ke amplekso de reciproka komerco estas nemalbona, tamen povus ĝi esti ankoraŭ pli bona. La Rusia ĉefministro memorigis, ke lasta ĉefministra renkontiĝo inter Litovio kaj Rusio okazis antaŭ pli ol 6 jaroj. Tiam en oktobro 2003 renkontiĝis ĉefministroj Algirdas Brazauskas kaj Miĥail Kasjanov.
Politologoj opinias, ke ĉi tiu renkontiĝo estas grava por interrilatoj de la ambaŭ ŝtatoj. Tamen ili tre singardeme parolas pri iuj eblaj konkretaj rezultoj. Ili rimarkas nur turniĝon al pli ĝentila politiko.
No comments:
Post a Comment