Kompreneble, estas nenia sensacio, ĉar temas ne pri litovaj sportistoj, ŝatantaj ĉi tiun ekzotikan japanan lukton, sed pri robotoj.Litovaj iĝenieroj de robotoj gajnis la unuan oran medalon en monda konkurso de robotoj Robogames en San Francisko (Usono). Ĝi famas kiel la plej granda en la mondo Olimpiko de Robotoj, en kiu ĉi-jare partoprenis reprezentantoj de 37 landoj. Por Litovio ĉi tiu jaro estis debuta.
Dum 23-25 de aprilo 2010 pli ol 500 robotoj konkuris en 53 diversaj kategorioj.
Nuntempe la robotoj ludas globludon , futbalon,diskan glacihokeon, batalas en sumoaj luktoj, partoprenas en diversaj ludoj formantaj spertojn, ankaŭ konkuras en konkursoj de rapideco, forteco, ludas je muzikiloj k.a.
Al iuj spektantoj povas esti utila konkurso de robotoj – barmenoj, tamen kiel kutime, la publikon pleje ekscitas robotaj bataloj "preskaŭ ekster-regulaj", kiuj okazas en fermita ringa areno.
Por la konkurso kreis la robotojn preskaŭ 700 inĝenieroj el la tuta mondo. Litovion reprezentis inĝeniero Vitalij Rodnov el Klaipėda.
Lia roboto Master of Disaster gajnis oran medalon en sumoa konkuro en kategorio de 3-kilogramaj robotoj. Alia roboto 309 en ĉi tiu kategorio okupis la trian lokon.
En pezkategorio de 0,5 kg litova roboto – sumoluktisto Sprinter okupis trian lokon.
No comments:
Post a Comment