Litovio perdis elstaran ŝtatan kaj socian aganton, eksan ŝtatestron Algirdas Mykolas BRAZAUSKAS (1932 09 22 – 2010 06 26).La 26an de junio 2010 post longa kaj malleĝera malsano (limfonoda kancero) forpasis signaturinto de Akto pri Rekreo de Sendependa Litovia Ŝtato, eksa prezidanto de Sejmo (1992 – 1993), provizora ŝtatprezidento, Prezidento de Litovia Respubliko (1993 – 1998), ĉefministro de la 12-a kaj 13-a registaroj Algirdas Mykolas Brazauskas.
Sian la plej altan oficon li nomis kiel servado al la nacio kaj la ŝtato. "La regpotencon mi komprenas kiel la plej grandan respondecon. Nur per nia racio, diligenteco, grandaj penoj de la volo ni povas krei prosperan litovan ŝtaton, en kiu estu bone kaj sekure vivi al ĉiu civitano."
La vortoj de la vero estas ordinaraj – sur ĉi tiu antikva prudento A. Brazauskas apogis sin en siaj laboroj, paroladoj, artikoloj, libroj...
La socio povos adiaŭi kun la Prezidento ekde mardo en Kolona Salono de la Prezidentejo. La enterigo okazos ĵaŭde en tombejo Antakalnis.
Ekde la 29a de junio en Litovio estas proklamata 3-taga funebro.
No comments:
Post a Comment