2010-06-23

Striko en spektaklo de Eimuntas Nekrošius

"Mi venis al La Scala , sed forkuris mia bona humoro", – ekĝemis reĝisoro Eimuntas Nekrošius.

Premieron de spektaklo, surscenigitan en la legenda itala teatro fare de E. Nekrošius, perturbis striko.

La 18an de junio teatra salono estis plenplena. Al spektaklo Faŭsto de (Charles Gounod), kiun surscenigis E. Nekrošius, estis nevenditaj nur kelkaj biletoj po 140 EUR. Ĉi tiu opero estas verkita laŭ Faŭsto de Wolfgang Goethe.

Kiam malrapide leviĝis ruĝa velura kurteno, la operoamantojn atendis surprizo. Sur la scenejo aperis grupo da homoj vestiĝintaj per T-ĉemizoj, frotitaj ĝinzoj kaj trivitaj sportŝuoj. La kantisto antaŭenirinta eĉ ne intencis kanti.

Premiera opero Faŭsto iĝis protesta kampanjo organizita de ĥoro kaj orkestro de operejo La Scala.

"Ni protestas kontraŭ la registaro, kiu reduktas financadon de teatroj", – eksplikis la kantisto, sin prezentinta kiel reprezentanto de la ĥoro.

La ĥoristoj tamen kantis, la orkestro ludis. Nur sen kostumoj, kiujn speciale al Faŭsto kreis edzino de la reĝisoro Nadežda Gultiajeva.

"Mi petegis, ke ili vestiĝu almenaŭ nigrajn vestojn. Tamen la ĥoristoj ne nur malakceptis mian proponon, sed ankaŭ estis statikaj, dum la spektaklo ili ne ekmoviĝis de sia loko", – bedaŭris E. Nekrošius.

La spektantoj estis forte mirigitaj. Iun tempon en la salono regis neimagebla ĥaoso.
"Buuu! Hontinde!" – kriadis la spektantoj. "Vi hontu!" – rebatis la ĥoristoj.
Ardajn pasiojn sur la scenejo finfine bridis ordonema taktobastona movo de franca dirigento Stéphane Denève.

Kvankam la striko, incitita de italaj sindikatoj, malordigis la premieron, tamen muzikaj melodioj  kaj impresa scenografio de Marius Nekrošius estis pli fortaj ol la politika kampanjo. La publiko per aplaŭdoj dankis al rolantoj kaj verkantoj de la opero.

Ke la ĥoristoj kaj orkestraj muzikistoj protestos, E. Nekrošius eksciis, kiam ĝis la spektaklo restis 5 minutoj.

Dum 15 jaroj la reĝisoro kun siaj spektakloj sin prezentis en multaj italaj teatroj, kaj tiajn malagrablaĵojn de Milana La Scala li ne atendis.

"Tio estis frapo al la dorso. Ja du ĝeneralaj provludoj ĉio okazis laŭ mia reĝisorado, la koruso bonege kantis, – parolis E. Nekrošius. – Mi opinias, ke tia sabotado estas malhonesta ne nur rilate nin, kreantojn de la spektaklo, sed ankaŭ rilate la solistojn."

Scenovidaĵon por Faŭsto kreinta Marius Nekrošius penis ne montri ekscitiĝon: "Nian laboron ni plenumis. La striko estas problemo itala, sed ne nia."

Pro la striko malaperis parto de laboro de N. Gultiajeva. Por amas-scenoj kreitaj de ŝi vestoj restis en la vestĉambro.

La teatro informas , ke la hodiaŭa spektaklo Faŭsto pro la striko ne okazos.

No comments: