La Kremlo informis, ke Rusia ŝtatprezidento Dmitrij Medvedev honoris eksan ŝtatprezidenton kaj ekspremieron Algirdas Brazauskas per Honora Ordeno pro kontribuo en disvolvado de rilatoj inter Litovio kaj Rusio."La distingo estas atribuata pro kontribuo en fortigo de kunlaborado kaj bonaj najbaraj rilatoj inter Litovio kaj Rusio", – deklaras TTT-ejo de la Rusia ŝtatprezidento.
Ĉi tiu distingo estas la unua, ricevita de A. Brazauskas post lia retiriĝo el aktiva politiko. En pasintjara decembro Ministerio pri Eksterlandaj Aferoj de Litovio enmanigis al A. Brazauskas signon Stelo de la Jarmilo.
Politologo Tomas Janeliūnas diras, ke ĉi tiu altnivela honorigo de A. Brazausko estas kazo eksterordinara.
"Mi ne memoras ĝenerale, kiom da litovaj politikistoj plejrangaj estas distingitaj de Rusio. Povas esti, tio atestas, ke Rusio po-iomete provas agnoski gvidantojn de Litovio, kaj ankaŭ ties agojn plenumitaj ekde rekreo de la Sendependeco", – diris la politologo.
Al la demando, ĉu politiko de Litovio, kiam A. Brazauskas okupis la plej altajn postenojn, estis pli favora al Rusio, T. Janeliūnas substrekis, ke tiam ankaŭ vidpunkto de Rusio al Litovio estis alia ol nuntempe.
"Ĝenerale, la unua jardeko de la Sendependeco al Litovio estis grava en kreado de iuj ajn formalaj ligoj, agnoskante la sendependecon, elkondukante sovetan armeon. Estis solvitaj multaj taskoj el kampo de komencaj ambaŭŝtataj interrilatoj. A. Brazauskas, estante tiam la ŝtatprezidento, devis nepre kontribui", – diris la politika spertulo.
Informante pri la decido de la Rusia ŝtatprezidento, la plej influa en Litovio informa TTT-ejo samtempe proponis respondi al demando Kiel vi taksas decidon de la Rusia ŝtatprezidento ordeni prezidenton A. Brazauskas?, 80,4 % da respondintoj diris: pozitive, 15 % – negative, 4,6 % – ne havas firman respondon.
--
A. Brazauskas (1932) en 1956 finis Kaŭnan Politeknikan Instituton (nuntempe Kaŭna Teknologia Universitato) kaj akiris specialecon de inĝeniero hidroteknikisto. Li estas doktoro de ekonomiaj sciencoj (1974), Honora Doktoro de Universitatoj Vilna Teknika de Gediminas, Kieva, Minska Socia, Kaŭna Teknologia.
A. Brazauskas, en 1988 iĝinta la unua sekretario de Centra Komitato de Litova Komunista Partio, eniris en historion de rekreo de sendependa Litovia ŝtato.
Sub lia gvidado, Litova Komunista Partio en 1989 apartiĝis de Sovetunia Komunista Partio.
La 15an de januaro 1990 A. Brazauskas estis elektita Prezidanto de Prezidio de Supera Konsilio de Litova SSR.
La 7an de februaro 1990 Supera Konsilio de Litova SSR, gvidata de A. Brazauskas, akceptis decidon neniiganta deklaracion pri eniro de Litovio en Sovetunion. La deklaracion akceptis tiel nomata Popola Sejmo la 21an de julio 1940. Tiamaniere de
La 11an de marto 1990 kun aliaj membroj de La Supera Konsilio li subskribis Akton pri Rekreo de Sendependa Litovia Ŝtato.
A. Brazauskas estis vicpremiero en la unua registaro (1990-1991). En oktobro 1992 li estis elektita membro kaj prezidanto de Sejmo.
En komenco de la jaro 1993 li estis elektita la unua ŝtatprezidento de rekreita Litovio. En ĉi tiu posteno li estis ĝis 1998.
Fininte ŝtatprezidentan kadencon, A. Brazauskas sukcesis realigi ankaŭ alian revon – iĝi ĉefministro. En ĉi tiu posteno li oficis ekde julio 2001 ĝis junio 2006.
A. Brazauskas estas honorita per la Granda Kruco de Ordeno Vytautas la Granda (1998), Ordeno de Vytautas la Granda kun ora ĉeno (2003), Medalo de Sendependeco de Litovio (2000). Je nomo de A. Brazauskas estas titolita la 1a mezlernejo en Kaišiadorys.
No comments:
Post a Comment