2010-12-23

Trankvilan Kristnaskon kaj feliĉan Novjaron 2011!

Mi ricevis belan gratulon. Tiujn bonajn kaj signifoplenajn vortojn mi transadresas ankaŭ al la leganto de BARELO.


Mi bondeziras al vi sekvontjare
* Daŭrigi komencitajn laborojn kaj sukcese venki ĉiujn obstaklojn. Per leporaj saltoj. Rapide. Sen leporeca timo. Eble kun leporeca rido, sed,
Dio gardu, sen la elŝovitaj dentoj kaj fendita lipo.
* Iom kreski en la interno.
* Lerni el la malnovaj eraroj.
* Ami.
* Ĝoji.
* Porti ĝojon.
* Vivi ĉi tie kaj nun.
* Ne plendi.
* Ne plorvei.
* Sepfoje terenfali kaj la okan – ree ekstari.
* Lumigi. Ne nur al vi mem, sed ankaŭ al ĉiuj, ĉar anstataŭ plendi je mallumo, ĉiam estas pli bone ekbruligi kandelon.
* Pensi.
* Senti.
* Rigardi kaj ekvidi.
* Aŭskulti kaj ekaŭdi, kompreni kaj kunsenti.
* Miri, ĉar ĉio nova estas
ne pli ol malkovrita malnovo.
* Iri. Malrapide, sed cele. Dio
gardu, ne kuri, ĉar ankoraŭ antikvaj romianoj diris: Hastu malrapide. Festina Lente.

Bonan Jaron! Tian, kian ni atendis la tutan vivon, kaj eĉ iomete pli bonan (kial nur iomete? Al la bono oni tro rapide alkutimiĝas)!



1 comment:

Valdas Banaitis said...

Bravulo, Avo Ganto, vi faris Kristnaskan miraklon en mia hejmo. Tamburkoncerton matenan!!
Dankon!!!